15 авг / 2018
15 авг / 2018
БРЕСТ
25°
27°
БРЕСТ
25°
27°
БРЕСТ
25°
27°
16-гадовая кабрынчанка збіраецца выдаць беларускамоўны буквар з міфалогіяй Беларусі

20 января 2018

Новости Бреста

Жэўжык, Дамавуха, Спарыш - для некаторых гэтыя словы гучаць як іншаземныя, і зусім незразумела, што яны абазначаюць. Але не для шаснаццацігадовай Марыі Шульскай. Дзяўчына сама вывучыла міфалогію Беларусі і арыентуецца ў ёй лепей за многіх. Марыя нарадзілася ва Украіне і большую частку свайго жыцця пражыла менавіта ў невялічкім горадзе Бярозаўка (Адэская вобласць), які па маштабах і колькасці насельніцтва можна параўнаць з Камянцом. Пра Беларусь дзяўчынка тады яшчэ нічога не ведала, апроч таго, што гэта адна з былых рэспублік СССР. А зараз яна называе гэту краіну сваёй яшчэ адной радзімай. Марыя амаль самастойна вывучыла беларускую мову, пазнала беларускую міфалогію і збіраецца выдаць «Буквар Дамавухі», які праз нацыянальных міфалагічных істот будзе знаёміць дзетак з алфавітам.

- Я пачала цікавіцца беларускай культурай, вырашыла даведацца, што гэта за краіна і чым людзі тут дыхаюць. Вядома ж, стала даведвацца пра гэта ў сваіх аднагодкаў, аднакласнікаў, сяброў і знаёмых. І была вельмі здзіўлена. Выявілася, што яны не цікавяцца ні сваёй культурай, ні сваім народам. Яны ведаюць беларускую мову, але не размаўляюць на ёй, не чытаюць беларускіх казак і твораў, аддаючы перавагу рускамоўным кнігам. І я падумала: што б зрабіць такога карыснага для Беларусі, каб дапамагчы яе жыхарам - не дарослым, а дзецям - лягчэй зразумець беларускую культуру, прыйсці да яе? - расказвае дзяўчына.

Неяк у бібліятэцы ёй трапіўся звычайны буквар - амаль такі, які калісьці быў у яе маленстве.

- Там быў намаляваны той жа барабан і мяч, толькі словы былі напісаныя не ўсюды так, як у маім буквары. І я падумала: чаму б і не?! Чаму б не зрабіць буквар з беларускімі міфалагічнымі істотамі? Мне вельмі спадабалася міфалогія Беларусі. Я не ведала, што яна такая багатая. Вырашыла, што і беларусы таксама павінны гэта ведаць. Хочацца, каб яны любілі беларускую мову, чыталі на ёй, размаўлялі і падтрымлівалі культуру Беларусі.

Тэкст для буквара на беларускай мове Марыя напісала сама. Здзіўляе не толькі тое, што цяпер дзяўчына арыентуецца ў міфалогіі настолькі добра, што змагла ўсе свае веды перакласці на старонкі кнігі, але і той факт, што тэкст напісаны на беларускай мове.

- Гэта нядрэнна, што ў Беларусі дзве мовы. Гэта камфортна. Мы выбіраем, на якой з іх размаўляць. Але разам з гэтым мы губляем беларускую мову, таму што людзі аддаюць перавагу рускай. Беларуская мова страчваецца. Я зараз не ідэальна ведаю беларускую мову. Але магу пагутарыць з чалавекам, адказаць яму на СМС, ведаю некаторыя вершы на беларускай мове і чытала кнігі айчынных аўтараў: Янкі Купалы, Якуба Коласа, Максіма Танка, Кандрата Крапівы, Янкі Брыля, Максіма Багдановіча... На мяне нават дзіўна глядзелі аднагодкі: маўляў, я з Украіны, а чытаю кнігі на беларускай мове.

Марыя не толькі сама піша тэксты да сваёй кнігі, але і малюе ілюстрацыі. Займацца букваром яна пачала ўсяго тры месяцы назад. Нядаўна яе праект стаў адным з прызёраў Брэсцкага рэгіянальнага этапу рэспубліканскага конкурсу «100 ідэй для Беларусі». Ужо напісаны тэкст да кнігі і намаляваны амаль усе ілюстрацыі. Але, калі выйдзе кніга, пакуль што сказаць нельга. Бо яе дзяўчына робіць не дзеля фінансавай выгады, а абсалютна бескарысліва для маленькіх жыхароў Беларусі. І ў 16-гадовай дзяўчыны, натуральна, няма такіх сродкаў, каб выпусціць друкаваную прадукцыю. Гэту частку нялёгкага пытання яна яшчэ будзе вырашаць. Але, калі хто-небудзь хоча дапамагчы дзяўчыне, можаце звярнуцца да аўтара тэксту, напісаўшы на электронную пошту sweta_yacenyuk@tut.by, і мы падкажам кантакты Марыі. Можа, менавіта дзякуючы вашай дапамозе хутка ў крамах краіны з'явіцца беларускамоўны буквар.


3043
4
Меня это радует (52.9%)
Мне все равно (5.9%)
Мне это интересно (5.9%)
Меня это злит (35.3%)
Евгения
30.01.2018 08:00
ответить ответить с цитатой
Очень интересная и оригинальная идея! Пусть у девушки всё получится ;)
Здзіўлены
26.01.2018 21:26
ответить ответить с цитатой
Ответ пользователю Анатоль
Ну, нешта, можа, я і зрабіў. Вы адкуль ведаеце? Таму і даю менавіта ПАРАДУ. Вы кажаце "парад нямала" - няпраўда: усяго толькі адну. Можа, крыху падрабязна яе абгрунтаваў. І не пераіначвайце, ні да чаго не прымушаю. Раю толькі тое, што лічу вартым. Свабоды выбару пры гэтым не адмаўляю, пра густы не спрачаюся.
Анатоль
22.01.2018 12:26
ответить ответить с цитатой
Здзіўлены писал(а):
А навошта ёй гэта трэба? Калі толькі ў тэарэтычных мэтах, то пра густы, да даследаванняў у тым ліку, канешне, не спрачаюцца. Калі ж яна знаходзіць у гэтым нейкі практычны сэнс, то магу ёй толькі паспачуваць. Не ведаю, ці ахрышчаная гэтая дзяўчынка або яе бацькі. Але ў паследаванні хрышчэння чалавек адмаўляецца ад усякага кшталту "жэўжыкаў", "дамавух" і ўсіх іншых, пра каго прарок Давід у 95-м псалме пісаў (прывожду па-царкоўнаславянску): "Яко вси бози язык бесове, Господь же небеса сотвори". Наш народ забыўся пра ўсіх гэтых "жэўжыкаў", бо набыў нешта бясконца лепшае. Не навязваю свой светапогляд, але толькі ПРАПАНУЮ наступнае: можа, лепш было б спачатку пазнаёміцца з духоўнай спадчынай нашага народа, а ўжо потым на яе падставе крытычна пагледезь і на ілжэдухоўныя забабоны тых часоў, калі людзі былі духоўна не асветленымі? Выбар за самой Марыяй. Магчыма, з дапамогай бацькоў, кагосьці з настаўнікаў і проста знаёмых сям'і.
Цікавыя людзі, гэтыя "Здзіўленыя". Сам нічога не зрабіў, а парад непатрэбных надаў нямала. Можа каб усе сядзелі і таксама нічога не рабілі, а толькі разважалі.
А Марыя малайчына!
Здзіўлены
21.01.2018 20:51
ответить ответить с цитатой
А навошта ёй гэта трэба? Калі толькі ў тэарэтычных мэтах, то пра густы, да даследаванняў у тым ліку, канешне, не спрачаюцца. Калі ж яна знаходзіць у гэтым нейкі практычны сэнс, то магу ёй толькі паспачуваць. Не ведаю, ці ахрышчаная гэтая дзяўчынка або яе бацькі. Але ў паследаванні хрышчэння чалавек адмаўляецца ад усякага кшталту "жэўжыкаў", "дамавух" і ўсіх іншых, пра каго прарок Давід у 95-м псалме пісаў (прывожду па-царкоўнаславянску): "Яко вси бози язык бесове, Господь же небеса сотвори". Наш народ забыўся пра ўсіх гэтых "жэўжыкаў", бо набыў нешта бясконца лепшае. Не навязваю свой светапогляд, але толькі ПРАПАНУЮ наступнае: можа, лепш было б спачатку пазнаёміцца з духоўнай спадчынай нашага народа, а ўжо потым на яе падставе крытычна пагледезь і на ілжэдухоўныя забабоны тых часоў, калі людзі былі духоўна не асветленымі? Выбар за самой Марыяй. Магчыма, з дапамогай бацькоў, кагосьці з настаўнікаў і проста знаёмых сям'і.
«В моем окружении практически все люди старше меня лет на пять», - рассказывает...
3196
Август - горячая пора для всех выпускников. Настало время определиться с профессией. Но...
865
Так что с низкими баллами - только на платное или невостребованные специальности... 17...
1122
Она пройдет с 30 июня по 3 июля. Обращаем внимание, что пройти тестирование в резервный...
874
usd 2.04 2.07
eur 2.33 2.36
rur 3.02 3.12
+выбрать лучший курс
Авторизация
E-mail:
Пароль:
Заказать звонок
Ваше имя:
Телефон:
Удобное время для звонка:
Отправить
Вы используете устаревший браузер.
Чтобы использовать все возможности сайта, загрузите и установите один из этих браузеров:
mozilla chrome opera safari